HSDPA Modem එකක් Ubuntu මතදී Configure කරගනිමු

අද මම මේ ලිපියෙන් කියන්න හදන්නේ අද ගොඩක් දෙනෙක් Internet යන්න පාවිච්චි කරන HSDPA modem එකක් Ubuntu මෙහෙයුම් පද්ධතිය තුලදී සකස් කර ගන්නේ කියල. මේකත් හරිම ලේසි වැඩක්. මම මේ සදහා යොදා ගත්තේ Huawei E160 HSDPA Modem එක. ඒ වගේම යොදා ගන්නේ ubuntu 10.04 මෙහෙයුම් පද්ධතිය.

පියවර 1

මුලින්ම Modem එක computer එකේ usb port එකට සම්බන්ධ කරන්න. ඊට පස්සේ ටික වෙලාවක් ඉවස්න්න වෙනව modem එක start වෙනකම්. මොකද මේකත් phone එකක් වගේනේ on කල ගමන් වැඩ කරන්න බැහැ. ටික වෙලාවකින් desktop එකේ පහත දැක්වෙන පරිදි icon (Mobile Partner) එකක් දිස්වෙයි. ඒ කියන්නේ ඔබේ Modem එක සාර්ථකව මෙහෙයුම් පද්ධතිය මගින් හදුනාගෙන ඇති බවයි. එහෙම වුනේ නැත්තම් ඉතින් වැඩේ ටිකක් අමාරු වෙනව.

පියවර 2
දැන් ඉහල task bar එකේ දිස් වෙන පහත රූපයේ පෙන්වා ඇති network icon එක මත click කරන්න.
පියවර 3
ඊට පස්සේ ලැබෙන drop down menu එකෙන් New Mobile Broadband (GSM) Connection මත click කරන්න.
පියවර 5
එවිට පහත window එක ලැබේවි එය කියවා බලා forward කරන්න.
පියවර 6
එවිට මෙම modem එක බාවිතා කරන රට තේරීමට window එකක් ලැබේවි. එයින් country සදහා Sri Lanka යයි තෝරා ගන්න. ඉන් පසු forward කරන්න.
පියවර 7

එවිට ලැබෙන window එකේ දී ඔබ භාවිතා කරන Service Provider තෝරා ගන්න. ඉන් පසු forward කරන්න. අපේ රටේ භාවිතා වන සියළුම Service Providers මෙහි සදහන් කොට ඇති බැවින් manually තෝරා ගැනීමක් කල යුතු නොවේ. මම භාවිතා කරන්නේ mobitel එකක් නිසා මම ඒක තෝරා ගත්තා.

පියවර 8

දැන් ලැබෙන window එකෙන් ඔබේ billing plan එක තෝරා ගන්න. එහිට පහත text box එකේ ඔබේ APN එක නිවැරදිව දිස් වේදැයි බලන්න. නොමැති නම් select your plan හි ඇති my plan is not listed තෝරා ගන්න එවිට පහතින් ඇති text box එක අපට type කල හැකි ආකාරයට වෙනස් වෙයි. එහි එබේ APN එක type කර forward කරන්න.

පියවර 9

දැන් ඔබට ලැබෙන window එකෙහි ඔබ ලබා දුන් විස්තර වල සාරාංශයක් පෙන්වයි. ඒවා නිවැරදි නම් Apply button එක click කරන්න. එසේ නොවේ නම් back button එක click කර නැවත අදාල තැනට ගොස් එය නිවැරදි කර ගන්න.

එවිට automatically network එකට connect වීම ආරම්භ වේවි. ටික වේලාකින් connect වුනා කියල massage එකක් desktop එකේ දිස් වේවි. ඒ වගේම task bar එකේ කලින් තිබුන network connection icon එක වෙනස් වෙලා phone එකක signal පෙන්නවා වගේ icon එකක් දිස් වෙයි. එය පහත රූපයේ දක්වා ඇත. දැන් ඔබ සාර්ථකව modem එක මෙහෙයුම් පද්ධතිය තුල configure කරගෙන ඇත.

වැනත වෙනත් අවස්ථාවක connect කර ගැනීමට අවශ්‍ය වූ විට task bar එකේ network connection icon එක click කල ලැබෙන drop down menu එකේ mobitel (මම තෝරා ගත්තේ mobitel නිසා) යයි දිස් වෙයි එය මත click කල විට internet එකට connect වෙයි.

පසු කාලෙකදී වෙනස් කම් කර ගන්න අවශ්‍ය වුනොත් task bar එකේ network connection icon එක මත click කර ලැබෙන drop down menu එකෙන් VPN Connections -------> Configure VPN මත click කරන්න.

ලැබෙන window වේ mobile broadband tab එක තෝරා ගන්න.
එයින් ඔබේ connection එක තෝරා ගෙන edit මගින් අවශ්‍ය වෙනස් කම් සිදු කරගන්න.

ඉන් පසු apply කරන්න. අවශ්‍ය නම් connect automatically මත tick කරන්න එවිට ඔබ modem එක සම්බන්ද කල විගසම internet connect වේවි.
මේ සම්බද්ධව ගැටළු පැන නැගුනොත් comment එකක් දාන්න. ඒ වගේ ම ඔයාලගේ අදහසුත් මට කියන්න.